شقة فبل كانت يع شوف شصارت بالصور

حبيت انقلكم صور شقه عصريه للشاب السعودي مساعد الرشيد قام بتصميمها بمساعده زوجته في اغلب اللمسات وما احتاج مهندس ديكور
فقط قاموا بجمع افكار في مده 100 يوم والتنفيد كان في 20 يوم وأهم شيء انه ركز بالالوان اللي هو يحبها والديكور كله موديرن
ربما الصور تتحدث أكثر وأفكار الشقه ممكن تفيد الكثير

الشقه قبل :

[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
[ندعوك للتسجيل في المنتدى أو التعريف بنفسك لمعاينة هذا الرابط]
"
"

بــــعد
ماشاء الله تبارك الله

[ندعوك للتسجيل في المنتدى أو التعريف بنفسك لمعاينة هذه الصورة] اقتباس [ندعوك للتسجيل في المنتدى أو التعريف بنفسك لمعاينة هذه الصورة] انا جبت افكار اساسيه والموضه السائدة وانا اصلا احب الالوان فاشتغلت عالاشياء الاساسيه وكملت انا وزوجتي الباقي يعني بالنهايه ترجع لذوق الشخص يعني انا لو بصلح بصلح نفس كذا لأني احب الاحمر والاورنج والاصفر والالوان الي شفتوها [ندعوك للتسجيل في المنتدى أو التعريف بنفسك لمعاينة هذه الصورة]

في هالشقه اللون الاساسي الاوف وايت والصاله جدار احمر واحد والمدخل برتقالي كامل الجدران اما المجلس ازرق فاتح واخضر فاتح وكلفتنه تقريبا 2500

[ندعوك للتسجيل في المنتدى أو التعريف بنفسك لمعاينة هذا الرابط]

الفرشه الي تشوفونها تسمى بالسوق مكرونه وهي موجوده بالعويس اوحتى بشارع المفروشات الي بشرق الرياض شارع الامام احمد بن حنبل وسعرها تقريبا ثمانين ريال فقط وحتى بسوق المينا بجده
وفي الصوره تشاهدون لمبة المدخل الي تكلمة عنها وهي مربعات مثل الثلج

[ندعوك للتسجيل في المنتدى أو التعريف بنفسك لمعاينة هذا الرابط]

الدعاسه الي عند المغسله شاريها من السواني كانو مخفضين من 140 اخذتها بسبعين والصراحه حصلت الوان كثيره بنفس المستوى وحلوات بمحل نسيت اسمه بعزيز مول بجده جنب الدرج فيه محلين متقابلات يفصلهم الدرج واحد مفارش نوم والثاني فوط ودعاسات واكسسوارات ولقيت فرع منه بالرمال مووول الي جنب ايكيا بمخرج 17 اول ماتدخل تبي تلقاه على اليسار بعد بدي شوب او زهور الريف نسيت او يمكن نكتار خخخ
يقلع ام الوصف
اما الارفف الي موجوده بالزوايا هذي من عند النجار قصيتها ورشيتها وركبتها وشايلها بمسكات موجود منها كثير بساكو وايكيا
الصور مع البراويز الي حول المغسله من ايكيا اما المغسله نفسها من محلات المغامس بالتخصصي وكلفتها مع الخلاط يعني البزبوز تقريباا 800 ريال

[ندعوك للتسجيل في المنتدى أو التعريف بنفسك لمعاينة هذا الرابط]

اذا تبون نصيحتي اذا الشقه او البيت ملك فصل مطبخك من كافكو واذا ايجار وتبي شي زين فصل من ايكيا اما عن مكان تفصيلي لمطبخي وبكم سعره انا ما انصح لأنه تعاملهم سيء وما انسى ذاك الشخص اسمه ×××××××××××××××××××××××××××× الي بطريق الملك بعد العزيز بعد فال على اليمين وانت متجه لطريق الملك عبد الله هم الي صلحو مطبخي ولكن هم تخصصهم خشب ويوم وراني العينه بعد الاتفاق طلعت خشنه وتهاوشنا ويالله يالله جاب لي ناعمه ومشي الحال بعد تسحيب ومشاكل فعلشان كذا ما انصح فيهم وكلفني المطبخ تقريبا 12000 ريال
ولو اني اقول نصيحتي فصل من ايكيا ضمان 10 سنوات وشغلهم حلو والمطبخ الاحمر حقهم والاسود مرررررره حلوات ولكن اذا تبيه يطلع شي اتفق معهم يركبون لكم المطبخ بدون السطح وبعد مايركبون لك رح لأي محل مطابخ وابحث عن رخامات سامسونج وركب منها حلوه والونها متعدده ويبي يطلع مطبخ سعره رخيص وشكله خياالي
الكراسي هذي حقات طاولة الخدمه البار على قولتهم فيه منها ب اي دي ديزاين وديموس ولكن نصابين سعرها حول 300 ريال انا حصلتها بالصناعيه وبالعويس ب 100 ريال وبجده تحصلونها بسوق المينا
اللوحه والبرواز الي بالمدخل من ايكيا وسعرهم على بعض 70 ريال
يمكن اقل بعد
الرفوف المعلق الي بالصاله هذي موجوده بأيكيا ولكن لونها بيج يعني لون الخشب الاصلي انا شريتها ووديتها للصناعيه هناك فيه شي اسمه بويه ناريه خاصه للخشب تعطي منظر كأنك شاريها ولونها كذا طبعا لا تتعب نفسك اي نجار تعطيها اياه يسويها لك
الحبه بايكيا ب 125 ورشة البويه نفس السعر

[ندعوك للتسجيل في المنتدى أو التعريف بنفسك لمعاينة هذا الرابط]

نبدا من يمين الرفوف تكلمت عنها جميع لوحاتي من محل اسمه قرمزي بطريق الملك عبدالعزيز يكفي انه الي يصممها سعودي وسعره مرررره رخيص ومتعاون جدا وعنده لوح تتعب عينك وتحتار ولوحه مره رخيصه ومميزه مقارنه بالسوق وانا درت وشفت ولو شريت من غيره تراك تبي تندم لأن سعره على لوحاته الخياليه مستحيل انك تبي تحصلها بمكان ثاني واحلى ما فيه الرجال ان اسمه مساعد مثلي واذكر انه عطاني كم لوحه بدون فلوس عشان اشوف وش يناسبني بالبيت واللي ناسبني اشريه واللي ماناسب رجعته

جميع طاولاتي بالبيت من ايكيا
الجلسه كثير يحسبني شاريها من احد المحلات المودرن مثل
ايكيا
اي دي ديزاين
ارجرتيينا
ديموس
ستي دبليو
ولكن جميع اقمشة كنباتي ماخذها من القثمي ومفصلها انا
وبسعر رخيص زي كنبة الصاله مثلا القماس بألف والتفصيل بألفين
لو عندي كان اقل شي اخذت اقمشتي من كي اي او من ارض الحرير
الفرشه مثل سالفة حقت المدخل مكرونه ب 120 ريال

الستاره هذا التفصيل الروماني مو كثير الي يظبطونه اذا جيت تسوي اطلب منه انه يخفي كل شي المكينه الي فوق وكل شي علشان تكون بالجدار مثل اللوحه الفنيه وغير كذا سهله مررررره فتحها وتسكيرها اما تحطلي دناديش وخرابيط فوق ما يمشي هالكلام وسعر تصليحها بالسوق تقريبا 400 ريال

الفراغ الي يسار هذا فوق فيه لمبات اولعها واقصر على النور حق الصاله تعطي شكل قوي تقدر تحط مكانها سبوت لايت والدواليب الي على شكل حرفين سي متقابلات هذولي الصيدليه خخخخ وشاريهم من ايكيا الواحد يمكن ب تسعين ريال والرف الي تحت برضوه من ايكيا ولكن لونه كان خشب صبغته مع الرفوف الي على اليمين

[ندعوك للتسجيل في المنتدى أو التعريف بنفسك لمعاينة هذا الرابط]

البلاط هذا شريته من اصول المعمار الي بالتخصصي وهو بعد مطابخ كافكو على اليمين عنده اشياء مررره حلوه عموما نصيحتي اي احد يبي يسوي شي لايطلع من التخصصي لاني درت الرياض كلها طلع السعر والكيف هناك
والصراحه ما انسى امتداد مخرج 9 فيه كم واحد حلو وعلى رأسهم سيراميك مدري بلاط الاندلس نسيت اسمه بس معروفه له كم فرع هو وكم محل جنبه حلوات وانت بمخرج تسعه رايح للدائري تبي تلقاه يمينك قبل اشاره وحد من التقاطعات
واضح كلامي
عموما مثل بلاط دورة المياه ايطالي وغالي بس خربتها انا لأن حجمه صغير سعره ذاك الوقت ب 80 ريال طبعا لو تبيه يحط لك اشرطه راح يدبل سعر الحمام وانت بكرامه ويمكن فوق الدبل بس الشكل يبي يصير يسدح بس طبعا بيت العمر حط فيه اشرطه
فيه نفس الوكيل حق الشركه بأيطاليا موجود بجده عند مطعم الوزان الي قدام ايكيا حتى دورة المياه حقتي شفتها بالعرض على الشارع
القزازه حقت الشوراخذتها من بيت الاباء الي على طريق الخرج ولكن ندمت لاني لقيت ناس تفصل بــ نص السعر عند حقين القزاز والالمنيوم زي النجارين هذولاك
ونصيحتي الاكبر من القزاز انك ما تحط بانيو لانه انتهى وراحت موضته ويجمع وسخ واتربه حط شور عاادي يعني جدار وانت تدخل بالوسط وبس وحط باب وانتهينا انظف واحلى شكل وعلى الموضه

[ندعوك للتسجيل في المنتدى أو التعريف بنفسك لمعاينة هذا الرابط]

طبعا مثل ماحنا عارفين انه السرير الياباني هو الموضه والي يكون نازل بالارض كثير تبون الصدق كنت ضايع طول عمري وانا انام على السرير القديم والقروي اليبغى لك سلم على شان تطلع فوقه تنام ولو تقلبت وطحت تكسرت عظامك هذا غير نومته الصحيه والقويه وغير انه الموضه هي السرير الياباني النازل طبعا انا شريته من ديموس ويوم جبت النجار يصنفر ابواب شقتي ويرشهن شافه وقال انا اسوي لك احلى منه ولو ماصار مثله واحلى لاتحاسبني وقلتله بكم وقالي بنص سعر ديموس هذا وديموس صيني خخخخخ
بس لو رجع بي الزمن ورى كان فصلت عند النجار واذا تبون الصدق فيه محل اسمه ستي دبليو بمخرج 12 على الدائري عنده غرف نوم تاخذ العقل الا تفصخ العقل فصخ وسعره مرررررره مناسب
مفارش نومي اغلبها من السواني ودبنهامز

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

تسلمي يالغلا

يوووووووووووووووووووما رهيب
ويهبل ويخبل
وخاصه الاحمر والابيض
نفس الوان غرفتي الجديده الي بسويها
مشكوره عمريه

مشكورين

ويسلمو على الرد

ماشاء الله رووووووووووووووووووووووووووووووعه يعطيكي العافيه

مرسي حبيبتي

lol!

» مكياج خليجي بالصور
» لتعليم الطفل بالصور
» قصص مسليه للاطفال ( بالصور )
» افكار من بواقى الاقمشة بالصور
» نصائح مهمه للأطفال بالصور