اسئله ترفع الضغط <<<دشوو حياكم

اسئله ترفع الضغط من كثر غباء هذي الاسئله ودك تكفخ

الي يقولها لك
مثلا : -
انت الحين بغرفتك منسدح بفراشك ومطفي الليت (النور) فجأه يدش عليك
اخوك\اختك ويفتح الباب ويقولك بتنام ؟!! ( لا برقص - اكيد بنام !!)

---------

انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!

----------

انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس

-----------

انت الحين بالكافيه صدفه شفت واحد من الربع او الاهل ... قالك هاا شتسوي هني !!
(ابيع بنك) !! لا تعليق

--------------------

لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . .. . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
يعني السؤال تحفه والمذيع ومعد البرنامج اتحف على هالسؤال

------------------------

والأسخف من هالبديهيات اللي تضيع وقتنا إذا قابلو اليهال -الاطفال)
يقول المذيع للياهل :- أنت تحب ماما وبابا ! ! !
(( لا احبك)) سؤال غبي الصراحه !!

----------------

برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زوود الذرابه)

--------------------

يعني اسئله غبيه مثل هالاسئله ماشفت

ها شرايكم من منكم ارتفع ضغطه بس بصراحه[ندعوك للتسجيل في المنتدى أو التعريف بنفسك لمعاينة هذه الصورة]

و الله من ناحية ترفع الضغط ترفع الضغط
لكن من ناحية المستمع بيفقع من الضحك
ومشكور على الموضوع
وااااصلي

والله لو وحده تسألني هالأسئه..مآتفآهم الآ بالزنوبه!!<<--[ندعوك للتسجيل في المنتدى أو التعريف بنفسك لمعاينة هذه الصورة]

مشكورين على المرور

والله اكيد ترفع الضغط
بس اذا بقيتي اتفيخين الوحده
اكيد بتقولين لها كذا

رغوده نورتي الصفه هلابك